Kalaja Gopeshit ka një pozicion tepër strategjik, ajo ndër të tjera ka shërbyer edhe si pikë vrojtimi, ku në anën perëndimore kjo kala kontrollon pothuajse të gjithë krahun e saj. Nga ana perëndimore e kalasë terreni është tepër i thyer, kurse sipërfaqja e saj është afro 1 ha dhe zgjerohet në pjesën lindore të saj. Ka formë eliptike me mure rrethues 1.5-2 m të gjerë. Përmasat e kësaj kalaje shkojnë 110 m x 40 m. Materialet arkeologjike të gjetura në brendësi të mureve të saj e datojnë këtë kala në periudhën e Antikitetit të Vonë. Ajo ndodhet në aksin rrugor Maliq-Lozhan-Moglicë-Gramsh, pranë fshatit Moglicë, në veriperendim të tij, pikërisht në anën e majtë të lumit Devoll ndodhet Kalaja e Gopeshit.